„Kimm sitz di nieda“

Kimm sitz di nieda
und gönn dir a Ruah.
Gelegenheit wonnst willst
findst allwei dazua.
Bei der heutigen Hektik
tuat a Aussponna not,
weil sunst oft leicht
a Herzinfarkt droht.
Es is allwei gnetig,
dös woaß ma scho,
aber die Arbeit
die laft nit davo.
Kimm sitz di nieda
gönn dir a Bois –
Du entdeckst do
viel leichter wos Nois.
Oas woast nocha gwiß,
dass im Leben nit olls
selbstverständli glei is.
Danken is a wichtig im Leben,
die Gsundheit tuat jo
da Herrgott dir gebn.
Kimm sitz di nieda
denk nit glei ans Geld
siagst wia viel Elend,
dass gibt in dera Welt.
Wia oft a Lond auf an Frieden grod hofft
jo die Zufriedenheit
fehlt bei uns oft.
Die Menschen heut
hom nit leicht gnua,
homs a viel Zeug,
mechtens allwei
no mehr dazua.
Oft is scho zspat
wonns do drauf deand kemma,
dass von Geld und Soch
nix meng mitnehma.
Drum kimm sitz di nieda
verweil öfter a Stund
denk wonns dir guat geht,
dass a schlechter wean kunt.
Dank a an Herrgott
für dös was du host,
es is jo olls a Leihgab,
auf Erden bist glei Gast.
C.W.